2021 წლის 17 მარტს დაავადებათა კონტროლისა და საზოგადოებრივი ჯანმრთელობის ეროვნულ ცენტრში გაიმართა შეხვედრა ნიდერლანდების სამეფოს საგანგებო და სრულუფლებიან ელჩთან საქართველოში - მააიკე ვან კოლდამთან.
შეხვედრაზე ელჩმა მადლობა გადაუხადა ეროვნული ცენტრის გენერალურ დირექტორს, ქვეყანაში COVID-19 თან ბრძოლის კუთხით გატარებული ღონისძიებებისა და პანდემიის მიმდინარეობის თაობაზე უახლესი ინფორმაციის მუდმივ რეჟიმში მიწოდების გამო, რაც ფრიად მნიშვნელოვანია როგორც მიქალაქეების, ასევე დიპლომატების უსაფრთხოებისათვის.
მხარეებმა ისაუბრეს ორ ქვეყანას შორის საზოგადოებრივი ჯანმრთელობის სფეროში არსებული ნაყოფიერი თანამშრომლობისა და მომავალი პერსპექტივების შესახებ. განსაკუთრებით აღინიშნა საქართველოში სისხლის უსაფრთხოების სისტემის განვითარების ევროკავშირის მიერ დაფინანსებულ ტვინინგის პროექტში ნიდერლანდების სისხლის ბანკსა და დაავადებათა კონტროლისა და საზოგადოებრივი ჯანმრთელობის ეროვნულ ცენტრის ნაყოფიერი თანამშრომლობის საკითხი. ბატონმა ამირან გამყრელიძემ ელჩს მიაწოდა სრულყოფილი ინფორმაცია, ქვეყანაში არსებული ეპიდემიოლოგიური მდგომარეობის, ტესტირების, ვაქცინაციისა და სამომავლო გეგმების თაობაზე. დასასრულს, ელჩმა გამოთქვა იმედი, ორ ქვეყანას შორის საზოგადოებრივი ჯანმრთლობის სფეროში არსებული თანამშრომლობა კიდევ უფრო გაღმავდეს ახალი ინიციატივებითა და ერთობლივი პროექტებით.