title
დაავადებათა კონტროლისა და საზოგადოებრივი ჯანმრთელობის ეროვნული ცენტრში იმუნიზაციის ელექტრონული მოდულის შეფასების გაერთიანებული მისიის წარმომადგენლებთან შეხვედრა გაიმართა. დელეგაცია ჯანმრთელობის მსოფლიო ორგანიზაციის, გაეროს ბავშვთა ფონდისა და აშშ დაავადებათა კონტროლისა და პრევენციის ცენტრების ექსპერტებისგან შედგება.
ვიზიტის ფარგლებში , მისიის წევრები ცენტრის ხელმძღვანელ პირებთან ერთად ცენტრალურ და რეგიონალურ დონეზე შესაბამისი სამსახურების წარმომადგენლებთან სამუშაო შეხვედრებს გამართავენ.
გაერთიანებული მისიის საერთო მიზანს წარმოადგენს, ელექტრონული მოდულის სტატუსის დადგენა, მისი განხორციელებისა და სისტემის მეშვეობით მიღებული მონაცემთა ხარისხისა და გამოყენების გაუმჯობესების გზების შესწავლა, რაც საფუძლად დაედება იმუნიზაციის ელექტრონული მოდულის გაუმჯობესების გეგმის შემუშავებას.