title
15 ოქტომბერი - ხელების დაბანის მსოფლიო დღე.
ხელების დაბანის მსოფლიო დღე ყოველწლიურად 15 ოქტომბერს აღინიშნება და მისი მიზანია ხელების დაბანის მნიშვნელობის შესახებ ცნობიერების ამაღლება და, აგრეთვე, ხელების დაბანის, როგორც მარტივი, ეფექტური და ხელმისაწვდომი საშუალების შესახებ ყურაფღრბის გამახვილება დაავადებათა პრევენციისა და სიცოცხლის გადასარჩენად. მიმდინარე წლის კამპანია ფოკუსირებულია სწორად ხელების დაბანის, ამ მარტივი საპრევენციო საშუალების ადვილად ხელმისაწვდომობაზე ყველასათვის.
ხელების დაბანის მსოფლიო დღე პირველ 2008 წელს გლობალური პარტნიორობის ინიციატივით აღინიშნა, როდესაც დაახლოებით 120 მილიონზე მეტმა ბავშვმა მსოფლიოს 70-ზე მეტი ქვეყნიდან მონაწილეობა მიიღო ხელების დაბანის გლობალურ ღონისძიებაში. დღის აღნიშვნას უერთდებიან სხვადასხვა ქვეყბის მთავრობები, სამთავრობო და არასამთავრებო, საერთაშორისო ორგანიზაციები, სკოლამდელი და სასკოლო დაწესებულებები, საზოგადოების წევრები.
ხელების წყლითა და საპნით დაბანა ამცირებს :
• დიარეით მიმდინარე დაავადებების შემთხვევებს 23-40%-ით;
• მოსწავლეების მიერ სკოლის გაცდენის დღეებს, 29-57 %-მდე; რომელიც შეიძლება გამოწვეული იყოს საჭმლის მომნელებელი სისტემის დაავადებებით.
• სუსტი იმუნური სისტემის მქონე ადამიანებში დიარეული დაავადებების შემთხვევებს 58%-ში.
• რესპირაციული დაავადებების რიცხვს 16-21%-ით;
დაიცავით ხელის დაბანის 5 წესი:
1. დაისველეთ ხელები გამდინარე, სუფთა წყლით და საპნით;
2. ააქაფეთ საპონი, კარგად წაისვით ხელისგულებზე და თითებშორის სივრცეებში, ფრჩხილებზე;
3. დაიბანეთ ხელები არანაკლებ 20 წამისა;
4. კარგად ჩამოიბანეთ საპონი სუფთა, გამდინარე წყლით;
5. შეიმშრალეთ ხელები სუფთა პირსახოცით ან ერთჯერადი ხელსახოცით.
გახსოვდეთ; ხელების წყლითა და საპნით დაბანა მიკრობებისაგან თავის დასაცავად ყველაზე მარტივი საშუალებაა.