2021 წლის 1–3 დეკემბერს გაიმართა საზოგადოებრივი ჯანმრთელობის ნაციონალური ინსტიტუტების საერთაშორისო ასოციაციის ყოველწლიური შეხვედრა. შეხვედრა მიეძღვნა ჯანდაცვის სფეროში სამართლიანი ხელმისაწვდომობის უზრუნველყოფის საკითხებს. შეხვედრაზე აქცენტი გაკეთდა საზოგადოებრივი ჯანმრთელობის ეროვნული ინსტიტუტების როლზე ჯანდაცვის სფეროში სამართლიანი ხელმისაწვდომობის კუთხით არსებული უთანასწორობის დაძლევაში, რომელიც განპირობებულია საზოგადოებრივი ჯანმრთელობის ძირითადი გამოწვევებით - COVID-19 - ის პანდემია და კლიმატის ცვლილება. შეხვედრის მუშაობაში მონაწილეობა მიიღო დაავადებათა კონტროლისა და საზოგადოებრივი ჯანმრთელობის ეროვნული ცენტრის გენერალურმა დირექტორმა ამირან გამყრელიძემ. ცენტრის გენერალური დირექტორის მრჩეველმა გლობალური და საზოგადოებრივი ჯანმრთელობის საკითხებში ნათია სხვიტარიძემ წარადგინა მოხსენება „COVID-19 და ჯანდაცვის სფეროში სამართლიანი ხელმისაწვდომობის უზრუნველყოფა - საქართველოს გამოცდილება“.