Posted on: 10.01.2019

საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა და დაავადებათა კონტროლისა და საზოგადოებრივი ჯანმრთელობის ეროვნული ცენტრის დირექტორმა მედიის შეკითხვებს უპასუხეს. დავით სერგეენკომ და ამირან გამყრელიძემ გრიპის ვირუსის შესახებ აქტუალურ საკითხებზე ისაუბრეს. როგორც ბრიფინგზე აღინიშნა, არსებული მონაცემებით გრიპის დაავადების დინამიკა მცირდება . 
 რაც შეეხება ჰოსპიტალიზაციის შემთხვევების რაოდენობას , ის 616-დან 845 შემთხვევამდე გაიზარდა . მოცემული მომენტისთვის რეანიმაციაში მოთავსებულია 45 პაციენტი, რაც იმის მანიშნებელია , რომ დაავადება საკმაოდ სერიოზულია და მას პრევენცია და მკურნალობა სჭირდება. 
ამირან გამყრელიძის განმარტებით, გრიპის ვირუსით გამოწვეული გრიპოზული ავადობა 20-30% -ით რთულდება სერიოზული პათოლოგიით და მათ შორის ფატალური შედეგით. აღნიშნული ინფორმაციის გაცნობა დაინტერესებულ პირებს ცენტრის ვებ-გვედზე www.ncdc.ge შეუძლიათ. ჯანმოსა და ამერიკის დაავადებათა კონტროლის ცენტრის მონაცემებით გრიპით და გრიპის გართულებებით წლის განმავლობაში მსოფლიოში 300 000-დან 600 000 ადამიანამდე იღუპება . გრიპით გამოწვეული სიკვდილიანობის საერთო სტატისტიკა კი 0,3-1% - მდე მერყეობს.

ფოტოგალერეა