title
გთავაზობთ პროფესიული გადამზადების სასწავლო კურსებს - „ბიოუსაფრთხოების ზოგადი პრინციპები“ სსიპ ლ. საყვარელიძის სახელობის დაავადებათა კონტროლისა და საზოგადოებრივი ჯანმრთელობის ეროვნული ცენტრის ბაზაზე. კურსებმა გაიარა რეაკრედიტაცია თბილისის სახელმწიფო სამედიცინო უნივერსიტეტში.
სასწავლო კურსები შემუშავებულია იურიდიული და ფიზიკური პირებისთვის: 1.სამედიცინო/ბიოლოგიური/ვეტერინარული ლაბორატორიებისა და დაწესებულებების თანამშრომლებისთვის; 2.ბიოლოგიურ მასალასთან შეხებაში მყოფ პირთათვის (ექიმი, ექთანი, ეპიდემიოლოგი საზ. ჯანდაცვის მუშაკი, ვეტერინარი და ა.შ.); 3.სამედიცინო დაწესებულების, სამედიცინო და ვეტერინარული ლაბორატორიის, სამეცნიერო/ბიოლოგიური პროფილის მენეჯერული რგოლის თანამშრომლთათვის.
სასწავლო კურსები მოიცავს ბიოუსაფრთხოების იმ ძირითად პრინციპებს, რომელიც ლაბორატორიის/დაწესებულების შიგნით პათოგენური აგენტების გავრცელების რისკების მართვისკენ არის მიმართული, მათ შორის, ბიორისკების მართვა, საკვლევ მასალაზე მუშაობის სტანდარტული სამოქმედო პროცედურები, სისხლით და ჰაერ-წვეთოვანი გზით გადაცემად პათოგენებთან მუშაობა, ინდივიდუალური დაცვის საშუალებების ხმარების წესი, ლაბორატორიაში წარმოქმნილი ბიოლოგიური ნარჩენების განკარგვა, დეზინფექცია, სტერილიზაცია, დეკონტამინაცია და სხვა.
სწავლება იწარმოებს 3 სამი ავტონომიური პროგრამით:
1. ბიოუსაფრთხოება და ბიოლოგიური დაცვა ბიოუსაფრთხოებაზე პასუხისმგებელი პირებისთვის (5 დღე)
2. ბიოუსაფრთხოების და ბიოლოგიური დაცვის ზოგადი კურსი ექიმებისათვის (5 დღე)
3. ბიოუსაფრთხოება და ბიოლოგიური დაცვა ბიო-სამედიცინო (ვეტერინარული) დაწესებულებების მენეჯერებისათვის (3 დღე)
პროგრამების ღირებულება შეადგენს 450 ლარს ერთი მსმენელზე.
სასწავლო კურსები ამოქმედდა 2022 წლის 1 თებერვლიდან.
მსურველებმა, რეგისტრაციისთვის, მიმართეთ თსსუ-ის დიპლომისშემდგომი სამედიცინო განათლების და უწყვეტი პროფესიული განვითარების ინსტიტუტს შემდეგ საკონტაქტო მისამართებზე: m.dolidze@tsmu.edu ტელ: 577743663, 25542550.
კურსის შინაარსსა და თემებზე დამატებითი ინფრომაციის მისაღებად, დაინტერესებულმა პირებმა მიმართეთ დაავადებათა კონტროლისა და საზოგადოებრივი ჯანმრთელობის ეროვნული ცენტრს შემდეგ საკონტაქტო მისამართებზე:
ელ. ფოსტაზე: ncdc@ncdc.ge; k.zaridze@ncdc.ge; ტელ: 577131416