title
ჩინეთში წარმოშობილმა მწვავე მძიმე რესპირატორულ სინდრომთან დაკავშირებულმა კორონავირუს 2-მა, იგივე SARS-CoV-2, ცუნამისებური ეფექტით, ელვის სისწრაფით მოახერხა გავრცელება. დღეისათვის მსოფლიოს 215 ქვეყანაში ინფიცირებულია 8 მილიონზე მეტი ადამიანი, დაფიქსირებულია 4 250 000-მდე გამოჯანმრთელება და 440 000-მდე გარდაცვალების შემთხვევა. ინფექციის გავრცელება განსაკუთრებული ინტენსიობით ხასიათდება აშშ-ში, ბრაზილიაში, რუსეთში, ინდოეთში, გაერთიანებულ სამეფოში, ესპანეთში, იტალიაში, პერუში, ირანსა და გერმანიაში, ხოლო პანდემიის პირველწყარო ჩინეთმა გადაინაცვლა დაზიანების მაღალი მაჩვენებლის მქონე ქვეყნების თანმიმდევრობაში მეცხრამეტე ადგილზე.
ვინაიდან კორონა ვირუსის ეს შტამი ახალია, ბევრი ინფორმაცია სამეცნიერო საზოგადოებისთვისაც კი ჯერ ისევ უცნობია და მრავალი ასპექტი შესწავლის პროცესშია. წინამდებარე დოკუმენტი წარმოადგენს დაავადებათა კონტროლისა და საზოგადოებრივი ჯანმრთელობის ეროვნული ცენტრის საქართველოში ახალი კორონავირუსის გავრცელებასთან დაკავშირებული ეპიდემიოლოგიური სიტუაციის და განხორციელებული ღონისძიებების მეორე ანგარიშს. ამ ტიპის ანალიზი პანდემიის პერიოდში რეგულარულად განახლდება.
საქართველოში ახალი კორონავირუსის მიმდინარეობა (მეორე ანგარიში )