Posted on: 07.01.2022

• მოწევა აიკრძალა ტაქსებში. კანონის დამრღვევი მგზავრი დაჯარიმდება 100 ლარით, ხოლო მძღოლი კანონის აღუსრულებლობის ან მისი მხრიდან მოწევის შემთხვევაში 200 ლარით.
• მოწევა აიკრძალა ყველა სანაოსნო საშუალების დახურულ სივრცეში. კანონის დამრღვევი მგზავრი დაჯარიმდება 100 ლარით, ხოლო სანაოსნო საშუალების მფლობელი 500 ლარით.
• მოწევა აიკრძალა არასრულწლოვანი მგზავრების თანდასწრებით კერძო ავტომობილებში. კანონის დამრღვევი მგზავრი დაჯარიმდება 100 ლარით, ხოლო მძღოლი კანონის აღუსრულებლობის შემთხვევაში 50 ლარით ან მისი მხრიდან მოწევის შემთხვევაში 100 ლარით.
• მოწევა აიკრძალა საბაგირო ტრანსპორტში. კანონის დამრღვევი მგზავრი დაჯარიმდება 100 ლარით, ხოლო კომპანია კანონის აღუსრუელებლობის გამო 500 ლარით.
• სავაჭრო ობიექტი თამბაქოს ნაწარმის პოპულარისაციის ან მარკეტინგის ნებისმიერი სახით დაშვების შემთხვევაში დაჯარიმდება 5 000 ლარით.
• ციფრულ მედიაში თამბაქოს ნაწარმის ან ბრენდის რეკლამა/პოპულარიზაცია (როგორც დამკვეთი, ასევე განმახორციელებელი) ჯარიმდება 5 000 ლარით.
• სკოლებიდან ან სკოლამდელი დაწესებულებებიდან 50 მეტრის რადიუსში თამბაქოს ნაწარმის რეალიზაციისთვის საჯარიმო სანქცია გაიზარდა 500 ლარამდე.
• კანონში დაემატა ტერმინი „ბრენდის გაფართოება“, რაც ითვალისწინებს თამბაქოს პროდუქტების ნებისმიერი არაპირდაპირი გზით პოპულარიზაცია/რეკლამის აკრძალვას და ჯარიმდება 5 000 ლარით.