1. საქართველო (შემდგომ - „მიმღები“) განახორციელებს პროექტს "საქართველოში ადრეული გაფრთხილების სისტემების გაძლიერება გენომური მეთვალყურეობისა და ერთიანი ჯანმრთელობის მიდგომის გამოყენებით" (შემდგომში - „პროექტი“), საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროსა  და საქართველოს გარემოს დაცვისა და სოფლის მეურნეობის სამინისტროს ჩართულობით, ასევე დაავადებათა კონტროლისა და საზოგადოებრივი ჯანმრთელობის ეროვნული ცენტრის, სოფლის მეურნეობის სახელმწიფო ლაბორატორიისა და სურსათის ეროვნული სააგენტოს მეშვეობით,  როგორც ეს განსაზღვრულია საგრანტო ხელშეკრულებაში (“ხელშეკრულება”). რეკონსტრუქციისა და განვითარების საერთაშორისო ბანკი (IBRD), რომელიც მოქმედებს როგორც პანდემიის პრევენციის, მზადყოფნისა და რეაგირების სატრასტო ფონდის განმახორციელებელი სუბიექტი, დათანხმდა პროექტისთვის დაფინანსების გამოყოფას, შეთანხმებით განსაზღვრული პირობების შესაბამისად.

2. მიმღები ვალდებულია უზრუნველყოს, რომ პროექტი განხორციელდეს გარემოსდაცვითი და სოციალური სტანდარტების (ESS) და გარემოსდაცვითი და სოციალური ვალდებულების გეგმის (ESCP) შესაბამისად,  ბანკისთვის მისაღები წესით. ESCP წარმოადგენს ხელშეკრულების განუყოფელ ნაწილს. თუ ESCP-ში სხვაგვარად არ არის განსაზღვრული. 

3. ზემოაღნიშნულთან ერთად, წინამდებარე ESCP განსაზღვრავს არსებით ღონისძიებებსა და ქმედებებს, რომელთა განხორციელებასაც მიმღები უზრუნველყოფს ან განახორციელებს, საჭიროებისამებრ, მათ შორის შესაბამისი ვადების, ინსტიტუციური მოწყობის, ადამიანური რესურსების, ტრენინგების, მონიტორინგისა და ანგარიშგების მექანიზმებისა და საჩივრების მართვის ღონისძიებების ჩათვლით. ESCP ასევე განსაზღვრავს იმ გარემოსდაცვით და სოციალურ (E&S) დოკუმენტებს, რომლებიც პროექტის ფარგლებში უნდა მომზადდეს ან განახლდეს, შეთანხმდეს დაინტერესებულ მხარეებთან, გასაჯაროვდეს და განხორციელდეს ESS-ების მოთხოვნების შესაბამისად, ბანკისთვის მისაღები ფორმითა და შინაარსით. აღნიშნული E&S დოკუმენტები შეიძლება პერიოდულად გადაიხედოს ბანკის წინასწარი წერილობითი თანხმობის საფუძველზე. შეთანხმების შესაბამისად, მიმღები უზრუნველყოფს, რომ ხელმისაწვდომი იყოს საკმარისი ფინანსური რესურსები ESCP-ის განხორციელებასთან დაკავშირებული ხარჯების დასაფარად.

4. ბანკისა და მიმღების შეთანხმებით, წინამდებარე ESCP საჭიროების შემთხვევაში, პერიოდულად გადაიხედება პროექტის ცვლილებების, გაუთვალისწინებელ გარემოებებზე მორგებული მართვის ან პროექტის შესრულების საპასუხოდ. ასეთ ვითარებაში ბანკი და მიმღები თანხმდებიან, განაახლონ ESCP, რათა აისახოს აღნიშნული ცვლილებები ბანკსა და ხელშეკრულებაში მითითებულ მიმღების წარმომადგენელს შორის ხელმოწერილი წერილების გაცვლის გზით. მიმღები ვალდებულია დაუყოვნებლივ გაასაჯაროოს განახლებული ESCP.

5. ქვემოთ მოყვანილი ქვეპუნქტი "განხორციელებისთვის მზადყოფნის ინდიკატორები" განსაზღვრავს იმ ქმედებებსა და ღონისძიებებს, რომელთა მონიტორინგიც მოხდება პროექტის განხორციელების დასაწყებად, მზადყოფნის შეფასების მიზნით, წინამდებარე ESCP-ის შესაბამისად. ამასთან, ESCP-ში განსაზღვრული ყველა ვალდებულება უნდა შესრულდეს „ვადების“ სვეტში მითითებული პირობების შესაბამისად მიუხედავად იმისა მითითებულია თუ არა ვალდებულებები  „განხორციელებისთვის მზადყოფნის ინდიკატორების“ ჩამონათვალში.