title
გრიპის საწინააღმდეგო ვაქცინაცია არის გრიპის პრევენციის და მისგან გამოწვეული მძიმე შედეგების ყველაზე ეფექტური სპეციფიკური საშუალება. მეცნიერულ კვლევებზე დაყრდნოთ, ვაქცინაციას შეუძლია გრიპით დაავადების რისკი შეამციროს 60%-ით მთელს მოსახლეობაში გრიპის სეზონის განმავლობაში.
ვაქცინის ეფექტურობა დამოკიდებულია რეციპიენტის ასაკსა და იმუნოკომპეტენტურობაზე, ასევე ვაქცინაში არსებული და ცირკულირებადი შტამების თანხვედრაზე. თანხვედრის შემთხვევაში ვაქცინა ეფექტურია 70-80%-ში 65 წლამდე ასაკის პირებში, ხანშიშესულებში კი - 30-70%-ში.
ჯანმრთელობის მსოფლიო ორგანიზაციის რეკომენდაციით ევროპის რეგიონში შემავალი ქვეყნებისთვის (მათ შორისაა საქართველო), გრიპის სეზონად მიჩნეულია მიმდინარე წლის მე-40 კვირიდან მომდევნო წლის მე-20 კვირის ჩათვლით პერიოდი.
ჯანმრთელობის მსოფლიო ორგანიზაცია რეკომენდაციას აძლევს ყველა ქვეყანას 2016-2017 წლის გრიპის სეზონისთვის სეზონური გრიპის საწინააღმდეგო ვაქცინაცია ჩატარდეს შემდეგ რისკ ჯგუფებში:
ა) უმაღლესი პროირიტეტულობით:
- ორსულები.
ბ) პრიორიტეტულად (თანმიმნდევრობის გათვალისწინების გარეშე):
- ბავშვები 6-59 თვის ასაკში;
- ხანდაზმულები;
- სპეციფიკური ქრონიკული დარღვევების მქონე პირები;
- ჯანდაცვის მომსახურების მიმწოდებელნი.
ჯანმრთელობის მსოფლიო ორგანიზაციის რეკომენდაციებზე დაყრდნობით, 2016-2017 წლის გრიპის სეზონისთვის საქართველოში არსებული სიტუაციის გათვალისწინებით, ვაქცინაციისთვის პრიორიტეტულად მიჩნეული იქნა შემდეგი ჯგუფები:
ა) სპეციფიკური ქრონიკული დარღვევების მქონეთაგან:
- 18 წლამდე ასაკის დიაბეტის მქონე პირები;
- დიალიზზე მყოფი პირები;
- C ჰეპატიტის მქონე პირები (მხოლოდ მკურნალობაზე მყოფნი);
- აივ ინფიცირებული პირები;
ბ) სხვა პრიორიტეტული ჯგუფები:
- ბავშვთა (მ.შ. მცირე საოჯახო ტიპის) და მოხუცთა თავშესაფრების ბენეფიციარები და მათი მომვლელი პერსონალი;
- კლინიკებში/სტაციონარში/სასწრაფო სამედიცინო დახმარების სამსახურში მომუშავე სამედიცინო პერსონალი.
სახელმწიფოს მიერ ქვეყნის უზრუნველყოფა სეზონურის გრიპის საწინააღმდეგო ვაქცინაცით რისკჯგუფების ასაცრელად:
2013-2014 წლის სეზონი
♦ შესყიდული ვაქცინის რაოდენობა - 4000 დოზა
♦ ვაქცინის დასახელება - VAXIGRIP, გრიპის ინაქტივირებული სპლიტ-ვაქცინა; მწარმოებელი - SANOFI PASTEUR SA (საფრანგეთი)
2014-2015 წლის სეზონი
♦ შესყიდული ვაქცინის რაოდენობა - 8000 დოზა
♦ ვაქცინის დასახელება - INFLUVAC, გრიპის ინაქტივირებული ვაქცინა (ზედაპირული ანტიგენი); მწარმოებელი - Abbott Biologicals B.V. (ჰოლანდია)
2015-2016 წლის სეზონი
♦ შესყიდული ვაქცინის რაოდენობა - 10 000 დოზა, მათ შორის:
♦ 5000 დოზა - ვაქცინის დასახელება - INFLUVAC, გრიპის ინაქტივირებული ვაქცინა (ზედაპირული ანტიგენი); მწარმოებელი - Abbott Biologicals B.V. (ჰოლანდია)
♦ 5000 დოზა - ვაქცინის დასახელება - VAXIGRIP, გრიპის ინაქტივირებული სპლიტ-ვაქცინა; მწარმოებელი - SANOFI PASTEUR SA (საფრანგეთი)
2016-2017 წლის სეზონი
♦ შესყიდული ვაქცინის რაოდენობა - 20 000 დოზა
♦ ვაქცინის დასახელება - INFLUVAC, გრიპის ინაქტივირებული ვაქცინა (ზედაპირული ანტიგენი); მწარმოებელი - Abbott Biologicals B.V. (ჰოლანდია).