2021 წლის  11 ივნისს ქ.ბათუმში დაავადებათა კონტროლისა და საზოგადოებრივი ჯანმრთელობის ეროვნული ცენტრის წარმომადგენლების ვიზიტის მიზანს წარმოადგენს აჭარაში  მიმდინარე ეპიდსიტუაციის განხილვა,  შესაბამისი პრევენციული ღონისძიებების დაგეგმვა და ვაქცინაციის გააქტიურება. 

აღნიშნულ საკითხთან დაკავშირებით ბატონი ამირან გამყრელიძე  შეხვდება  აჭარის ა/რ მთავრობის ადმინისტრაციის უფროსს, ჯანმრთელობისა და სოციალური დაცვის სამინისტროს, განათლების, კულტურისა და სპორტის სამინისტროს და ტურიზმის დეპარტამენტის ხელმძღვანელ პირებს. ასევე, აჭარის მუნიციპალიტეტების მერებს, სამედიცინო დაწესებულებების და საზოგადოებრივი ჯანდაცვის მუნიციპალური სამსახურების ხელმძღვანელებს.

ცენტრის წარმომადგენლები მოინახულებენ ქ.ბათუმში მდებარე კლინიკებს  და შეხვდებიან სამედიცინო პერსონალს. 

17:30 საათზე  გაიმართება მედიის წარმომადგენლებთან შეხვედრა.

მედიას საშუალება ექნება გადაიღოს ვიზიტი ქ.ბათუმის ს.ს. „საზღვაო ჰოსპიტალში“ (14:45 საათი - კახაბერის  ქუჩა N 36) და შ.პ.ს „ბათუმის რესპუბლიკურ კლინიკურ საავადმყოფოში“ (16:15 საათი - პუშკინის ქუჩა N 164)

მისამართი: ქ.ბათუმი, სასტუმრო Le Meridien, ნინოშვილის ქუჩა და ჟღენტის ქუჩა

საკონტაქტო პირი: ნინო მამუკაშვილი 595956103