სსიპ ლ. საყვარელიძის სახელობის დაავადებათა კონტროლისა და საზოგადოებრივი ჯანმრთელობის ეროვნული ცენტრის გენერალური დირექტორის ბ რ ძ ა ნ ე ბ ა | |
KA030609625087418 |
01 / მაისი / 2018 წ. | თბილისი #06-71/ო |
„თამბაქოს კონტროლის შესახებ“ საქართველოს კანონის მე-10 მუხლის მე-8 პუნქტის და „სსიპ - ლ.საყვარელიძის სახელობის დაავადებათა კონტროლისა და საზოგადოებრივი ჯანმრთელობის ეროვნული ცენტრის დებულების დამტკიცების შესახებ“ საქართველოს შრომის, ჯანმრთელობისა და სოციალური დაცვის მინისტრის 2007 წლის 28 მარტის №107/ნ ბრძანებით დამტკიცებული დებულების მე-5 მუხლის მე-3 პუნქტის ‘’გ’’ ქვეპუნქტის საფუძველზე
ვ ბ რ ძ ა ნ ე ბ:
1.
სსიპ - ლ. საყვარელიძის სახელობის დაავადებათა კონტროლისა და
საზოგადოებრივი ჯანმრთელობის ეროვნული ცენტრის (შემდგომში-ცენტრი)
ადმინისტრაციული და სტრუქტურული ერთეულების შენობა-ნაგებობებში და
ტერიტორიაზე, მიმდინარე წლის პირველი მაისიდან აიკრძალოს თამბაქოს მოწევა.
2. დაევალოს ცენტრის ადმინისტრაციულ დეპარტამენტს (კ.ოჩიგავა):
ა) ამ ბრძანების პირველი პუნქტით განსაზღვრულ შენობა-ნაგებობებში და ტერიტორიაზე,
ყველა შესასვლელში და სხვა თვალსაჩინო ადგილას განათავსოს თამბაქოს
მოწევის აკრძალვასთან დაკავშირებული წესები, შესაბამისი წარწერა და ნიშანი
თამბაქოს მოწევის აკრძალვის თაობაზე, აგრეთვე
იმ ფიზიკური პირის/დაწესებულების საკონტაქტო ტელეფონის ნომერი და სხვა
ინფორმაცია, რომელთან დაკავშირებაც იქნება შესაძლებელი თამბაქოს მოხმარების
აკრძალვასთან დაკავშირებული წესების დარღვევის შემთხვევაში;
ბ) ამ ბრძანების განთავსება ცენტრის ოფიციალურ ვებ–გვერდზე – www.ncdc.ge.
3. ცნობად იქნეს მიღებული, რომ „თამბაქოს კონტროლის შესახებ“ საქართველოს კანონისა
და ამ ბრძანების მოთხოვნების დარღვევისათვის, დამრღვევი პირის მიმართ
გამოყენებული იქნება მოქმედი კანონომდებლობით განსაზღვრული
პასუხისმგებლობის ზომები.
4. ეს ბრძანება შეიძლება გასაჩივრდეს ქ. თბილისის სასამართლოს ადმინისტრაციულ საქმეთა კოლეგიაში (მის. ქ.თბილისი, დ. აღმაშენებლის ხეივანი მე–12 კილომეტრი) ერთი თვის ვადაში.